Almal wil ʼn huisie by die see hê

Soos wat ek my vakansie dieet afdraf na my eerste dag terug by die werk, dink ek myself terug na Stilbaai. Die plek waar skoene opsioneel is en wit wyn-drink aangemoedig word voor 12:00. Dis hier waar ek vir twee weke lank vertoef het, en my stad-sorge deur die duine sand in my baaibroek laat weg exfoliate het. Ek was bevoorreg genoeg om uitgenooi te word deur die Besters om Kersfees én Nuwejaar saam met hulle te vier. Die dae is gevul met goeie wyn, lekker kos en geselligheid.

Deel van die vakansie-joligheid het ons jongspan ʼn pelgrimstog Inverroche toe gemaak. Inverroche se distilleerdery is net buitekant Stilbaai geleë en maak dit ʼn moet vir enige Stilbaaier. As gesoute drinkers/kenners van gin, het ons besluit om die Gin School aan te durf. Hierdie werkswinkel word slegs tydens die Desember feesseisoen aangebied, en ons was gelukkig genoeg om ʼn plekkie te kry (asook betyds te wees, want die kele Kaap se verkeer migreer Suid-Kaap toe in Desember –  daar was g’n “vinnig” Spar toe vir enige iemand nie).

IMG_0512

Die werkswinkel leer ʼn mens nou nie hoe om gin van sy ma af te maak nie – dít glo ek neem ʼn bietjie langer as twee ure, maar jy word eerder die geleentheid gebied om jou eie gin te geur. Jy leer van die verskillende kruie, bessies en speserye wat gebruik kan word, hoe sekere geure bymekaar pas, asook die beste manier om hierdie klassieke drankie te bedien (slegs ʼn sitrus se skil, nie die hele vrug nie). Assistente staan jou by deur die hele proses om te verseker dat jy nie enige glipse maak en met ʼn ongewenste gin uitstap nie. Sodra jy jou bakkie kruie gereed het, word dit netjies toegedraai in ʼn stukkie lap, en word dan versigtig in jou distilleringspot geplaas.

 

Terwyl jy proe-proe sit en wag vir jou alkohol om uit te tap, word die geskiedenis van hierdie eeue oue alkohol vertel. Die gesegde Dutch courage het sowaar sy oorsprong in gin (of was dit nou jenewer?). Nederlandse soldate in die 17de eeu het as vreeslik dapper voorgekom soos wat hulle hul Spaanse vyand bestorm het. Maar wat die Spanjaarde nie geweet het nie, was dat die Nederlanders diep onder die gin prop was en sonder om te blik of bloos die veldslag ingevaar. Dus die gesegde Dutch courage.

IMG_0520

Nadat jou fles 300ml volgetap is, bereken ʼn assistent hoeveel water benodig word om by te voeg. Na al die afmetings, skeinat toestelle en wiskunde wat jy gedink het jy in hoërskool agtergelaat het, vul jy jou eie bottel, plak ʼn etiket daarop met jou eie naam, en skryf die bestanddele agterop. Die werkswinkel word afgesluit met ʼn klasfoto en ʼn bediening van jou eie verfrissende brousel.

Dis nou al ʼn maand later en die sorge van die stad het sonder skaamte weer terug geklim op my skouers. Maar ten minste wanneer ek elke aand by die huis kom, is daar ʼn bottel gin met my naam op.

IMG_0523-2

NS. Die Inverroche Gin School is beslis waarde vir geld. Vir R450 ontvang jy ʼn drankie op aankoms, ʼn geskenkpakkie met jou eie Inverocche kep, ʼn kristalglas, twee botteltjies tonic water, versnaperings tussendeur, en dan natuurlik jou eie bottel gin. Definitief die skoene-aantrek-moeite werd.

 

4 thoughts on “Almal wil ʼn huisie by die see hê

      1. Hi Jeanne ek get jou resep met die cream ,basil pesto, sundries tomatoes en bacon en dit was baie lekker Jon nie Ophiuroidea wet nie…
        Die naam is Joseph en ons het ontmoet in checkeckers 2 week verlede …? Hoop jy onthou ?

        Liked by 1 person

Laat 'n boodskap

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s